Bugun, 21-noyabr kuni Oliy Majlis Qonunchilik palatasining navbatdagi majlisida 2024 yil uchun Davlat byudjetida Axborot-kutubxona muassasalarini rivojlantirish jamg‘armasiga qo‘shimcha mablag‘ ajratish masalasi muhokama qilindi.
Unga ko‘ra, 2024-yil uchun Davlat byudjetida yoshlarga kutubxonadan kechki vaqtda foydalanish uchun qulay sharoit yaratish maqsadida O‘zbekiston Milliy kutubxonasi — axborot resurs markazi huzuridagi byudjetdan tashqari Axborot-kutubxona muassasalarini rivojlantirish jamg‘armasi xarajatlari uchun qo‘shimcha mablag‘ ajratish ko‘zda tutilmoqda.
Eslatib o‘tamiz, bir muddat avval Milliy kutubxona 20-oktyabrdan boshlab kechki smenada ishlamasligini bildirgan edi.