Kinematografiya agentligi buyurtmasi binoan “Yoshlik” kinostudiyasi tomonidan suratga olingan “Montaj” qisqa metrajli filmi Los-Anjelesda shu yilning aprel oyi oxirida o‘tkaziladigan «Indie Short Fest» xalqaro kinofestivalida ishtirok etadi.
Maʼlumot uchun, rejissyor Dilshodbek Usmonovning “Montaj” filmi Kinematografiya agentligi tomonidan o‘tkazilgan «Debyut start-2021» qisqa metrajli filmlar kinofestivalida ikkinchi darajali “Gran-pri” mukofotini qo‘lga kiritgan hamda «Eng yaxshi erkak roli uchun» nominatsiyasida g‘olib bo‘lgan edi.