Bugun, 7-may kuni Namangan shahrida ikkita avtomashina ishtirokida yo‘l transport hodisasi sodir bo‘ldi. Bu haqda viloyat IIB YHXB xabar bermoqda.
Qayd etilishicha, soat 09:00 larda Namangan shahar Marg‘ilon ko‘chasida Jiguli rusumli avtomashina Damas bilan to‘qnashgan. Hodisa oqibatida ikkala transport vositasi texnik shikastlangan.
Jiguli haydovchisi va yo‘lovchisiga birinchi yordam ko‘rsatilib, shifoxonaga yuborilgan. Damas avtomashinasi haydovchisi voqea joyidan ketib yuborgan. Ko‘rilgan tezkor choralar natijasida avtomashina topilib, jarima maydonchasiga joylashtirilgan.