Bugun Pekin-2022 qishki Olimpiya o‘yinlarida beshinchi kun bahslariga start berildi. Kunning ilk medallar jamlanmasi fristaylning “big eyr” yo‘nalishida erkaklar o‘rtasida o‘ynaldi.
Unda o‘z dasturi bilan yuqori natija qayd etgan norvegiyalik Birk Rud jamoasi hisobiga to‘rtinchi oltin medalni taqdim etibgina qolmay, umumjamoa hisobida ularni birinchi o‘ringa olib chiqdi. Kumush va bronza medallari mos ravishda amerikalik Kolbi Stivenson hamda shvetsiyalik Xenrik Xarlautga nasib etdi.
Pekin-2022. Fristayl.
Erkaklar, “big eyr”
1. Birk Rud (Norvegiya)
2. Kolbi Stivenson (AQSH)
3. Xenrik Xarlaut (Shvetsiya).
Avvalroq, Daniya va Niderlandiya Pekin Olimpiyadasini baykot qilgani haqida xabar berilgandi.
Jamshidbek Amirov