Bugun, 30-may kuni Qoraqalpog‘iston Respublikasining Nukus shahridagi bozorda yong‘in sodir bo‘li. Holat yuzasidan Respublika FVV maʼlumot berdi.
Qayd etilishicha, soat 15:50 da Nukus shahri «Amudaryo» MFYda joylashgan “Nukus dehqon bozori” AJga qarashli ochiq maydonda qurilishda foydalanishga mo‘ljallangan qamish va hashak presslari yonayotganligi to‘g‘risida FVBga xabar tushgan.
Zudlik bilan hodisa joyiga yong‘in-qutqaruvchilar yetib borgan va yong‘in soat 18:30 da bartaraf etildi. Yong‘inni o‘chirishga 9 ta yong‘in-qutqaruv ekipaji jalb etildi. Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.