Toshkent viloyati Nurafshon shahar hokimi Muzaffar Soliyev o‘z lavozimidan ozod etildi.
Bu haqdagi qaror 7 aprel, juma kuni xalq deputatlari kengashi sessiyasida qabul qilingan. Biroq hali rasmiy xabar berilgani yo‘q.
Kun.uz saytining qayd etishicha, Muzaffar Soliyev uy-joy kommunal xizmat ko‘rsatish vaziri lavozimida ishlagan vaqtidagi holat bilan bog‘liq ish bo‘yicha tergovga jalb etilgan bo‘lishi mumkin.
Eslatib o‘tamiz, Muzaffar Soliyev 2021 yilning yanvarigacha uy-joy kommunal xizmat ko‘rsatish vaziri lavozimida ishlab kelgan. Tanqid qilinib ishdan bo‘shatilgan, biroq ko‘p o‘tmay Nurafshon shahriga hokim etib tayinlangandi.