Sog‘liqni saqlash vazirligi matbuot kotibi Furqat Sanayev hozirda O‘zbekistonda kuzatilayotgan anomal issiq kunlarida fuqarolardan oftob urish holatlari bo‘yicha murojaatlar kelib tushmaganini maʼlum qildi.
“Ayni vaqtda jazirama oqibatida tez tibbiy yordamga chaqiriqlar soni, yurak qon-tomir kasalliklari yoki nafas olish bilan bog‘liq holatlar bo‘yicha o‘rganishlar olib borilmoqda”, – deydi Sanayev.
Shu kunlarda jazirama ob-havo kuzatilib, ayrim hududlarda havo harorati +44...+47 darajagacha ko‘tarilmoqda.