Osiyodagi eng yirik aviakompaniya sanalgan Xitoyning China Southern Airlines aviakompaniyasi O‘zbekistonga aviareyslarni amalga oshiradi. Bu haqda "Uzbekistan Airports" xabar berdi.
Unga ko'ra, mazkur yirik aviakompaniya Urumchi va Toshkentni to‘g‘ridan-to‘g‘ri reyslar bilan bog‘laydi.
Birinchi yo‘lovchi reysi joriy yilning 14-oktabriga belgilangan. Xususan, muntazam reyslar Boeing 737 va Boeing 787 samolyotlarida haftasiga bir marta juma kunlari amalga oshiriladi.
Ma'lumot o'rnida, China Southern Airlines — Xitoyning Guandun viloyati, Guanchjou shahrida joylashgan bo'lib, u samolyotlar parkining hajmi bo'yicha Osiyodagi eng yirik aviakompaniya, shuningdek, Osiyodagi eng yirik aviatashuvchi hisoblanadi.