Ozarbayjon huquq-tartibot organlari tomonidan qo‘lga olingan O‘zbekiston fuqarosi mamlakatimizga ekstraditsiya qilindi.
O‘zbekiston Respublikasi Bosh prokuraturasining ma’lumotiga ko‘ra, 38 yoshli ayol firibgarlik va hujjatlarni qalbakilashtirishda gumonlanib, xalqaro qidiruvga berilgan edi. O‘zbekiston tomonining rasmiy so‘rovi asosida Ozarbayjon Bosh prokuraturasi uni javobgarlikka tortish uchun topshirish qarorini qabul qildi.
Ayolga nisbatan qamoqqa olish ehtiyot chorasi qo‘llanib, u maxsus kuzatuv ostida mamlakatimiz vakolatli organlariga olib kelindi.