Taʼkidlash joizki, ushbu intervyu xalqaro ekspertlar diqqat eʼtiborida bo‘lib turgan katta voqea bo‘ldi. Xususan, bundan avvalroq Ispaniyaning yetakchi nashrlardan biri bo‘lgan "De Aqui El Periodiso" ham o‘z sahifalarida davlatimiz rahbari intervyusining to‘liq matnini eʼlon qilgandi, deb xabar bermoqda “Dunyo” AA muxbiri.
Bundan tashqari, ko‘plab yetakchi xorijiy ommaviy axborot vositalari sermazmun va dasturiy intervyuni tarjima qilib, o‘z manbalarida chop etmoqda. Bu, shubhasiz, O‘zbekistonning zamonaviy rivojlanishiga va mamlakatda amalga oshirilayotgan keng ko‘lamli o‘zgarishlarga xorijda katta qiziqish borligidan dalolat beradi. Bugungi kungacha Islom hamkorlik tashkilotining "OIS Today" ixtisoslashtirilgan jurnali, Xitoyning "Psearcher" jurnali elektron portali, Pokistonning "The Daily Spokesman" va "The Daily Ittehad" gazetalari, "Pakistan in the World" jurnali, "Pakistan Esonomis Net" axborot portali, Italiyaning "Lo Spessore" onlayn-jurnali, Kuvaytning "The Times Kuwait" gazetasi va boshqa manbalar davlatimiz rahbari intervyusini turli tillarda eʼlon qildi.