O‘zbekiston milliy futbol jamoasi JCH–2026 saralash bosqichining so‘nggi turida Qatarga qarshi muhim g‘alabaga (3:0) erishgani sababli FIFA reytingida 2 pog‘onaga ko‘tarilib, 55-o‘rinni egalladi.
Kecha qo‘lga kiritilgan g‘alaba jamoamizga 13,40 ochko olib keldi. Endilikda O‘zbekistonning umumiy reyting ochkolari 1 449.12 ga yetdi.
Qatar esa ayni o‘yinda mag‘lub bo‘lib, 13,40 ochkoni yo‘qotdi va 53-o‘ringa tushdi. Bu jamoa ilgari Eron ustidan qozonilgan g‘alabadan so‘ng 50-pog‘onagacha ko‘tarilgan edi.
Osiyo jamoalari orasida O‘zbekiston hozirda 6-o‘rinni egallab turibdi. Yaponiya, Eron, Janubiy Koreya va Avstraliya esa mintaqadagi yetakchilar bo‘lib qolmoqda.