20-yanvardan boshlab Oʻzbekistonda keng koʻlamli tezkor-qidiruv tadbirlari oʻtkazilib, 18 ta jinoiy guruh faoliyatiga chek qo‘yildi. Bu haqda Davlat xavfsizlik xizmati matbuot xizmati xabar berdi.
Mazkur tadbirlar davomida 51 ta jinoiy guruh tomonidan sodir etilgan jinoyatlarga qarshi choralar koʻrildi:
- 45 ta tovlamachilik,
- 8 ta talonchilik va qurolli talonchilik,
- 386 ta odam savdosi, OIV yuqtirish, fohishaxonalar va yer osti kazinolari faoliyati.
Shuningdek, reydlar davomida:
951 ta giyohvandlik vositalari va psixotrop moddalarning noqonuniy aylanishi holati aniqlanib, 527 ta jinoiy ish qoʻzgʻatilgan, 30 tasi bo‘yicha ma’muriy choralar koʻrilgan. 123 kg giyohvandlik vositasi va 57 000 ta kuchli psixotrop moddalar musodara qilingan.
Noqonuniy oʻqotar qurol saqlashning 108 ta holati aniqlanib, 104 ta qurol, 987 ta oʻq-dori va 1,5 kg portlovchi moddalar musodara qilingan.
Mazkur tadbirlar IIV va DXX hamkorligida, respublikadagi kriminal vaziyatni barqarorlashtirish maqsadida amalga oshirildi.