Bugun ijtimoiy tarmoqlarda "General Motors" kompaniyasi 2022-yilning avgust oyigacha "Spark" avtomobili ishlab chiqarishni to‘xtatib, uni sotuvdan olib tashlamoqchiligi haqida xabarlar tarqaldi.
Ma’lumotlarga ko‘ra, "Spark" hozirgi davr uchun "moda"dan qolgan va 2021-yilda ushbu rusumdagi avtomobilning sotuvi hajmi tushib ketgan. Kompaniya uning o‘rniga "Trax" krossoverini sotuvga chiqarishni rejalashtirgan.
"O‘zavtosanoat" matbuot xizmatining "Nova24"ga ma’lum qilishicha, "General Motors" kompaniyasining bu qarori O‘zbekistonda kamida 2023-yilgacha "Spark" ishlab chiqarilishiga taalluqli emas. Mamlakatda bu jarayon odatdagidek davom ettiriladi.