O‘zbekistonda xizmat ko‘rsatgan jurnalist, O‘zbekiston Milliy teleradiokompaniyasi raisi birinchi o‘rinbosari Farhod Mahmudov 49 yoshida vafot etdi.
Farhod Mahmudov 1973 yil Toshkent viloyati Chinoz tumanida tug‘ilgan. U 1996 yil Toshkent davlat universitetini tamomlagan. Maʼlumoti bo‘yicha mutaxassisligi jurnalist.
Farhod Mahmudov 1995 yildan buyon O‘zbekiston Milliy teleradiokompaniyasi tizimida turli lavozimlarda faoliyat ko‘rsatgan.
«O‘zbekiston 24» tashkil etilgach, unga rahbarlik qilib kelgan Farhod Mahmudov 2018 yilning sentyabrida Ommaviy axborot vositalari, maʼnaviyat va maʼrifat, madaniyat, sanʼat va ijodiy tashkilotlarni rivojlantirish masalalari xizmati bo‘yicha Prezident maslahatchisiga o‘rinbosar etib tayinlangandi. 2019 yil sentyabrida Prezident administratsiyasi rahbariga o‘rinbosar etib tayinlanadi.
U 2020 yil yozida MTRKga qaytgan va raisning birinchi o‘rinbosari sifatida ishlab kelayotgandi.
Farhod Mahmudov 2008 yil «Mehnat shuhrati» ordeni, 2018 yilda «O‘zbekistonda xizmat ko‘rsatgan jurnalist» faxriy unvoni bilan taqdirlangan.
