Angliyaning Liverpul shahrida yakunlangan boks bo‘yicha Jahon chempionatida O‘zbekiston terma jamoasi 11 ta medalni qo‘lga kiritib, jamoaviy hisobda ikkinchi o‘rinni egalladi.
Musobaqa davomida o‘zbekistonlik bokschilar 6 ta oltin, 2 ta kumush va 3 ta bronza medali bilan yuksak natijaga erishdi.
Final janglarida Asadxo‘ja Mo‘ydinxo‘jayev (-65 kg), Javohir Ummataliyev (-80 kg), To‘rabek Habibullayev (-90 kg) va Akmaljon Isroilov (-85 kg) hamda boshqa bir qator sportchilar g‘alabaga erishib, oltin medallarni qo‘lga kiritishdi. Ayniqsa, Mo‘ydinxo‘jayev ikkinchi bor jahon chempioni bo‘ldi.
Navbahor Hamidova (-65 kg) va Jahongir Zokirov (+90 kg) kumush medal bilan cheklangan bo‘lsa, Sabina Boboqulova (-48 kg), Feruza Kazakova (-51 kg) hamda Aziza Zokirova (-70 kg) bronza medaliga sazovor bo‘ldi.
O‘zbekiston terma jamoasi umumiy medal soni bo‘yicha birinchi o‘rinni qo‘lga kiritdi, ammo oltin medallar sifati bo‘yicha ikkinchi pog‘onada qayd etildi.