“O‘zgidromet”ning maʼlum qilishicha, joriy yilning 9-11 yanvar kunlari A-373 “Toshkent – O‘sh” avtoyo‘lining “Qamchiq” dovoni hududida qor yog‘ishi, vaqti–vaqti bilan kuchli yog‘ingarchilik, tuman kuzatilishi, ko‘rinuvchanlik 50 M.gacha pasayishi, shamol tezligi 1 –20 M/s gacha kuchayishi, avtoyo‘lda yaxmalak va qor uyumlari yuzaga kelishi mumkin.
Shuningdek, M-39 “Toshkent-Shahrisabz-Termiz” avtomobil yo‘lining Samarqand va Qashqadaryo viloyatlarini bog‘lovchi “Taxtaqoracha” (Kitob) dovonidan o‘tgan qismida ham qor yog‘ishi, vaqti–vaqti bilan kuchli yog‘ingarchilik, tuman kuzatilishi, ko‘rinuvchanlik 50 M.gacha pasayishi, shamol tezligi 17–22 M/s gacha kuchayishi, avtoyo‘lda yaxmalak va qor uyumlari yuzaga kelishi mumkin.