Toshkent metropolitenining “Paxtakor” bekatida mavjud eskalatorlarni yangisiga almashtirish ishlarini boshlash rejalashtirilgan.
Shu boisdan, joriy yilning 1-noyabr sanasidan “Paxtakor” bekatining eskalator oʻrnatilgan tomoni vaqtinchalik yopiladi hamda demontaj va montaj ishlari boshlanadi. Bu haqida Toshkent metropoliteni DUK Matbuot xizmati xabar berdi.
“Shuningdek, oʻzgartirish ishlari tugash muddati xususida esa, ish jarayonlarining texnik holatiga koʻra qoʻshimcha maʼlumot taqdim etiladi,” - deyiladi xabarda.