Pokiston sobiq bosh vaziri va muxolifatdagi partiya rahbari Imron Xon o‘g‘irlab ketildi. Bugun ertalab u hibsga olingani haqida xabar berilgandi.
“Geo TV” telekanali maʼlumotlariga ko‘ra, Imron Xon Islomobod Oliy sudi tomonidan “Al Qadeer Trust” tashkilotiga qarshi o‘g‘irlik ishi ko‘rib chiqilganidan so‘ng hibsga olingan. Sobiq bosh vazir sud binosidan nomaʼlum shaxslar tomonidan olib ketilgan.
«Tehrik-i-Insaf» partiyasining rasmiy akkaunti Tvitterʼda Imron Xonning advokatining kaltaklangani aks etgan videoni joylashtirdi va u Islomobod Oliy sudi oldida og‘ir yaralanganini yozdi.