Toshkent shahrining 2024-yilgi mahalliy byudjeti tasdiqlandi. Shaharning 8 trln so‘mlik xarajatlarining qariyb 2 trln so‘mi issiqlik ta’minotining pasaytirilgan tariflaridan ko‘rilgan zararni qoplashga yo‘naltiriladi.
Jamoat transportining brutto shartnomasi asosida ko‘rsatilgan xizmatlari uchun 1 trln so‘m ajratilmoqda. Tashqi qarzi bo‘yicha qariyb 233 mlrd so‘m, 235 mlrd so‘m Tiklanish va taraqqiyot jamg‘armasining kreditlarini qaytarishga, 13 mlrd so‘m chet el kreditlarini qaytarish uchun yo‘naltiriladi.
Ko‘p qavatli uylarda liftlarni ta’mirlash va yangilashga 143 mlrd so‘m ajratiladi.