Rossiya prezidenti Vladimir Putin bu safar AQSH rahbariyatini Mustaqillik kuni bilan tabriklamaydi. Bu haqda davlat rahbari matbuot kotibi Dimitriy Peskov ma’lum qildi.
“Bu AQSH tomonidan mamlakatimizga nisbatan nodo‘stona siyosatning cho‘qqisiga aylangani bilan bog‘liq. Shunday ekan, bunday sharoitda tabrik xabarini yuborish o‘rinli emas”, — dedi Peskov jurnalistlarga.
Ma’lumot uchun: bugun, 4-iyul kuni AQSHda Mustaqillik kuni nishonlanmoqda.