Rossiya prezidenti Vladimir Putin Gʻarbni global iqtisodiy inqirozni keltirib chiqarishda aybladi. Uning so‘zlariga ko‘ra, hozirgi vaziyatga Yevropa va AQSHning Rossiyaga nisbata joriy etgan “axmoqona” sanksiyalari sababdir.
Sankt-Peterburg Xalqaro Iqtisodiy Forumida nutq so‘zlagan Putin Rossiya Gʻarbga javob qaytarishini ta’kidlagan.
“Biz kuchli davlatmiz va har qanday qiyinchilikka dosh bera olamiz. Ota-bobolarimiz kabi biz har qanday muammoni hal qilamiz, mamlakatimizning ming yillik tarixi shundan dalolat beradi”,— degan u.
Putin Ukrainadagi “maxsus harbiy operasiyani” davom ettirish qarorini tasdiqladi. Prezidentning aytishicha, Donbasdagi rus askarlari ham Rossiyaning o‘z “rivojini ta’minlash huquqlarini” himoya qilish uchun kurashmoqda.