Bugun, 16-may kuni Pekinda Rossiya prezidenti Vladimir Putin va Xitoy rahbari Si Szinpin tor doirada muzokara o‘tkazdi.
Xitoy yetakchisi Putinni beshinchi muddatga Rossiya davlati rahbari lavozimiga kirishishi bilan tabriklab, Xitoy va Rossiya munosabatlarining barqaror rivojlanishi nafaqat ikki mamlakat va xalqlarning tub manfaatlariga javob berishini, balki mintaqada va butun dunyoda tinchlik, barqarorlik va farovonlik ishiga foyda keltirishini aytdi.
Maʼlumot uchun, Putinning Xitoyga safari uning beshinchi prezidentlik davridagi ilk xorijiy tashrifi hisoblanadi. U oxirgi marta Xitoyga 2023 yilning oktyabr oyida borgandi.