Vladimir Putin 27 aprelda Turkiyaga kelishi mumkin. Bu haqda prezident Rajab Toyyib Erdog‘an maʼlum qildi.
Uning so‘zlariga ko‘ra, shu kuni "Akkuyu" AESi ochilishi bo‘ladi. Ushbu stansiya qurilishida "Rosatom" ishtirok etgan.
Qayd etish lozimki, 17 mart kuni Xalqaro jinoiy sud Putinni qamoqqa olishga order bergandi. Ammo u Turkiyaga bemalol kelishi mumkin: Anqara Rim statutini ratifikatsiya qilmagan. Bu esa mamlakatda XJS qarorlari bajarilmasligini anglatadi.