“Qamchiq” dovonida avtomobillar uchun nazorat tarozisi o‘rnatildi. Bu haqda Namangan viloyati IIB YHXB maʼlum qildi.
Unga ko‘ra, A-373 «M-39 avtomobil yo‘li-Guliston-Bo‘ka-Angren-Qo‘qon va Andijon orqali – O‘sh» avtomobil yo‘lining “Qamchiq” dovoni qismidan o‘tayotgan avtomobillarning yo‘l o‘qiga tushayotgan og‘irlikni nazorat qilish uchun ushbu yo‘lning 273-kilometrida avtomobillarning og‘irliklarini o‘lchash uskunalari bilan jihozlangan nazorat punkti tashkil qilindi.
Mazkur nazorat punkti 2022-yil 1-noyabr kuni soat 00:00 dan ish faoliyatini boshladi.
Viloyat IIV YHXB haydovchilarni ogohlantirib, ulardan og‘ir vaznli yuklarni avtomobil transportida tashishda yuk og‘irligi meʼyorini saqlagan holda harakat qilishlarini so‘ramoqda.