Bugun, 4-dekabr kuni Qamchiq dovonida noqulay ob-havo sharoiti tufayli Neksiya avtomashinasi handaqqa tushib ketdi. Bu haqda Favqulodda vaziyatlar vazirligi Matbuot xizmati xabar qilmoqda.
Qayd etilishicha, soat 20:30 da Toshkent—O‘sh avtomobil yo‘lining 228-kilometri Qamchiq dovoni qismida avtomobil haydovchisi boshqaruvni yo‘qotib, yo‘l chetidagi handaqqa tushib ketgan.
Hodisa oqibatida hech kim jabrlanmagan. FVV qutqaruvchilari zudlik bilan avtomobil haydovchisiga yordam ko‘rsatgan.
Elstib o‘tamiz, avvalroq 4-dekabrdan boshlab dovonda bir hafta davomida qor yog‘ishi kutilayotgani xabar qilingandi.