Avvalroq, ijtimoiy tarmoqda "Qamchiq" dovonida yuk avtomobili yonib ketgani aks etgan video tarqaldi. "Qamchiqavtoyo‘l" IYFUK holat yuzasidan ma'lumot berdi.
Qayd etilishicha, bugun, soat taxminan 07:00 larda "O‘sh"avtomobil yo‘lining 222 kilometrida "Vodiy-Toshkent" yo‘nalishida qatnovchi yuk mashinasida yong‘in kelib chiqqan. Shu sababli soat 07:55 da ushbu yo‘nalishda avtotransportlar harakati vaqtincha to‘xtatilgan. Soat 08:44 da yo‘nalish avtotransportlar harakati uchun ochilgan.
Hozirga vaqtda yuk mashinasini tegishli tashkilotlar bilan hamkorlikda yong‘inni o‘chirish ishlari amalga oshirilmoqda.