Hodisa Namangan viloyatining Pop tumanida sodir bo‘lgan.
Qayd etilishicha, 20 noyabr kuni soat 16:00 larda tumanning “Tinchlik” mahallasida yashovchi 51 yoshli E.T., voyaga yetmagan 6 yoshli nabirasi F.T. hamda mehmonga kelgan qaynonasi 74 yoshli D.Y. uyni isitish uchun o‘rnatilgan temirdan yasalgan pechkaga yoqilgan tabiiy gazdan chiqqan is gazidan zaharlanib, voqea joyida vafot etgan.
Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Kuni kecha Qashqadaryo viloyatining Qarshi shahrida ijarada yashab kelgan qiz is gazidan zaharlanib vafot etgandi.