Holat kecha, 30-sentyabr kuni soat 20:20 larda Toshkent viloyati Qibray tumani “Mehnat” MFY hududidan o‘tgan yo‘lda sodir bo‘lgan. 1990 yilda tug‘ilgan haydovchi boshqaruvidagi “Vaz 2106” rusumli transport vositasida yong‘in kelib chiqqan.
Yong‘in oqibatida avtomobil to‘liq yonib ketgan. Haydovchi avtomobildan tushib qolgan. Harakat vaqtida avtomobilda yo‘lovchilar bo‘lmagan.
Ushbu yong‘in natijasida hech qaysi harakat ishtirokchisi sog‘lig‘iga ziyon yetmagan. Hozirda holat yuzasidan Qibray tumani FVB YOXB tomonidan surishtiruv ishlari olib borilmoqda.