Bugun, dushanba soat 11:00da Qirg‘iziston Jogorku Kengeshi qo‘mitasi qirg‘iz-o‘zbek chegarasini delimitatsiya qilish masalasini ko‘rib chiqishni boshlaydi.
Mazkur masala Xalqaro munosabatlar, himoya, xavfsizlik va migratsiya qo‘mitasining navbatdagi yig‘ilishi doirasida ko‘rib chiqiladi.
Eslatib o‘tamiz, avvalroq, prezident Sadir Japarov «Kabar» agentligiga bergan intervyusida Qirg‘iziston-O‘zbekiston chegarasi bo‘yicha Jogorku Kengeshdagi yig‘ilish avvaldan rejalashtirilganidek, yopiq emas, ochiq bo‘lishini aytgan edi.