Rossiya Federatsiyasining Yekaterinburg shahriga vaqtincha mehnat qilish maqsadida 2022-yilda borgan yurtdoshimiz O.X. shu yilning 20-noyabr kuni baxtsiz hodisaga uchragan.
Qiyin ahvolga tushib qolgan hamyurtimiz Tashqi mehnat migratsiyasi agentligining Rossiya Federatsiyasidagi vakolatxonasi tomonidan Vatanga qaytarilgan va Namangan viloyati hududiy filiali mas’ullari tomonidan Namangan xalqaro aeroportida kutib olinib, yashash manziliga kuzatib qo‘yilgan.