Qoraqalpog‘istonda Qozog‘iston fuqarosi boshqaruvidagi Toyota Land Cruiser yo‘l-transport hodisasiga uchradi, deya xabar bermoqda YHXBB.
Maʼlum qilinishicha, 21 iyul kuni soat taxminan 14:00 larda Qoraqalpog‘iston Respublikasi Ellikqalʼa tumanida vaqtincha yashovchi Qozog‘iston fuqarosi Toyota Land Cruiser avtomobilida YTHga uchragan.
YTHga harakatlanish vaqtida haydovchining rul boshqaruvini yo‘qotishi sabab bo‘lgan.
Yo‘l chetiga ag‘darilib ketishi natijasida haydovchi olgan tan jarohatlari bilan voqea joyida vafot etgan. Avtomobilda boshqa yo‘lovchilar bo‘lmagan.