Qoraqalpog‘istondagi voqealarda ishtirok etgan yana 35 nafar ayblanuvchi jamoat kafilligi asosida o‘z oilasi bag‘riga qaytdi.
Komissiya tomonidan fuqaro murojaatlarini o‘rganish davomida sodir etgan qilmishiga pushaymon va ijtimoiy sharoiti og‘ir bo‘lgan ayblanuvchilarning uchinchi ro‘yxati shakllantirilgan va ularni oilasiga qaytarish bo‘yicha tegishli choralar ko‘rilgan edi.
Komissiya a’zolari taklifi va Qoraqalpog‘iston Respublikasi Jo‘qorg‘i Kengesi iltimosnomasiga ko‘ra, Bosh prokuratura tomonidan bugun. 1-noyabr kuni yana 35 nafar ayblanuvchini jamoat kafilligi asosida o‘z oilasiga qaytarildi.
Shu yilning 30-avgust kuni 34 nafar, 13-14-oktabr kunlari 38 nafar Mustaqil Komissiya tomonidan shakllantirilgan ro‘yxatdagi ayblanuvchi oilasi bag‘riga qaytarilgan edi.
Ma'lumot o'rnida, komissiya tashabbusi bilan yaqinlari bag‘riga qaytarilgan ayblanuvchilar soni 107 nafarga yetdi.