Qozog‘iston O‘zbekistonga ko‘mir eksportini bosqichma-bosqich 25 barobargacha oshirishni rejalashtirmoqda, deya maʼlum qildi Eron sanoat va infratuzilmani rivojlantirish vaziri o‘rinbosari Sharxon.
“2025 yildan boshlab O‘zbekistonga ko‘mir yetkazib berishni bosqichma-bosqich 12,8 million tonnaga yetkazish ko‘rib chiqilmoqda. Natijada eksport yo‘nalishlari kengayadi”, — dedi u.
Qozog‘istonning ko‘mir qazib olish korxonalari tomonidan 2022 yilda 113,9 million tonna ko‘mir qazib olingan, bu 2021 yilga nisbatan 1,9 foizga ko‘pdir. Qozog‘iston Milliy statistika byurosi maʼlumotlariga ko‘ra, 2022 yilda mamlakat O‘zbekistonga 487,9 ming tonna ko‘mir eksport qilgan. Shunday qilib, yetkazib berish hajmini qariyb 26 barobarga oshirish rejalashtirilgan.
“O‘zbekko‘mir” maʼlumotlariga ko‘ra, O‘zbekistonning ko‘mirga bo‘lgan yillik ehtiyoji 6 million tonnani tashkil etadi. Maʼlum qilinishicha, 2022 yilda kompaniya 5 million tonna qo‘ng‘ir ko‘mir qazib olgan. Hozirda O‘zbekistonda 1,9 milliard tonna ko‘mirning tasdiqlangan zaxiralari mavjud. Shundan qo‘ng‘ir ko‘mir — 1,8 milliard tonna, toshko‘mir — 47 million tonnani tashkil etadi.