Qozog‘iston hukumati respublikada o‘tkaziladigan prezidentlik saylovlari uchun Ukrainada saylov uchastkalarini ochishni rejalashtirmayapti, deb xabar berdi mamlakat TIV vakili.
“Ukrainadagi vaziyat tufayli biz bu safar saylov uchastkasini ochmadik. Shuning uchun fuqarolarimiz xohlasalar, qo‘shni davlatga — Moldova yoki Polshaga borib, u yerda ovoz berishlari mumkin”, deyiladi xabarda.
Qayd etilishicha, qozog‘istonliklar kerakli miqdordagi saylov byulletenlarini tayyorlash uchun ushbu davlatlardagi elchixonalarni oldindan xabardor qilishlari kerak.
20-noyabr kuni Qozog‘istonda muddatidan oldin prezidentlik saylovlari bo‘lib o‘tadi. Markaziy saylov komissiyasi prezidentlikka olti nafar nomzodni, jumladan, amaldagi davlat rahbari Qosim-Jomart Toqayevni ro‘yxatga oldi.