Qrim ko‘prigida portlashlar sodir bo‘ldi. Ayni vaqtda ko‘prikda harakatlanish to‘xtatilgan, Krasnodar o‘lkasidan ko‘prikka kirish qismida ulkan tirbandlik yuzaga kelgan.
Baza Telegram-kanali ko‘prikning oraliq qismlaridan biri qulab tushgani va dastlabki maʼlumotlarga ko‘ra, ikki kishi halok bo‘lgani, yana bir kishi jarohatlangani haqida yozmoqda.
Qrim rahbari Sergey Aksyonov «Qrim ko‘prigi orqali sayohat qilishdan tiyilishga va xavfsizlik nuqtai nazaridan yangi hududlar orqali muqobil quruqlik yo‘lini tanlashga» chaqirgan.
Uning so‘zlariga ko‘ra, ko‘prikda «145 ta ustunli hududda favqulodda vaziyat yuzaga kelgan».
-
2022-yil 8-oktabr kuni ertalab soat 6 da yuk mashinasi Taman yarimoroli tomondan Qrim ko‘prigining avtomobil qismida portlab ketgandi. Ayni vaqtda, Krasnodar o‘lkasi tomon harakatlanayotgan ko‘prikning temiryo‘l qismida bo‘lgan poyezdda yettita yonilg‘i baki yonib ketgan.
-
Ko‘prikning ikkita avtomobil qismi qulab tushdi, natijada to‘rt kishi halok bo‘ldi. Rossiyada hodisa natijasida terakt bo‘yicha ish qo‘zg‘atilgan.
