Konferensiyaning asosiy maqsadi mintaqaviy kiberhamjamiyat uchun o‘zaro tajriba almashish hamda o‘zaro manfaatli asosda yangi imkoniyatlarni ochish xalqaro interaktiv platforma yaratishdan iborat. Konferensiya doirasida “Cyberkent 2.0” hamda yosh avlod uchun robototexnika musobaqalari ham o‘tkaziladi.
9-10 oktyabr kunlari Toshkent shahrida “Kiberxavfsizlik sammiti – Markaziy Yevrosiyo CSS 2024” II Xalqaro kiberxavfsizlik sammiti bo‘lib o‘tmoqda.
Kiberxavfsizlik markazi tomonidan tashkil qilingan tadbirda 30 dan ortiq mamlakatdan 60 ga yaqin kompaniyalar hamda 120 dan ortiq delegatlar ishtirok etmoqda. Xususan, Janubiy Koreya, Ozarboyjon, Turkiya, Gruziya, Turkmaniston, Tojikiston, Qozog‘iston kabi 10 dan ortiq xorijiy davlatlarning kiberxavfsizlik sohasini tartibga soluvchi organlari va xalqaro tashkilotlar — Xalqaro elektr-aloqa ittifoqi, FIRST, SABABA ishtirok etdi.
“CSS-2024” kiberxavfsizlik konferensiyasining asosiy maqsadi mintaqaviy kiberhamjamiyat uchun o‘zaro tajriba almashish, zamonaviy yechimlarni namoyish etish, o‘zaro manfaatli asosda yangi imkoniyatlarni ochish uchun yuqori darajadagi xalqaro interaktiv platforma yaratishdan iborat.
Konferensiyaning umumiy eʼtibori raqamli dunyoda kiberxavfsizlikning ahamiyati: yechimlar, tahdidlar va hamkorlik, muhim infratuzilma va biznes aktivlarini himoya qilishga qaratilgan.
Shuningdek, 9 oktyabr kuni konferensiya doirasida “Cyberkent 2.0” musobaqalariga ham start berildi. Unda ROBBO-FEST yosh avlod uchun tashkil qilingan robototexnika musobaqalari ham o‘tkazildi.
Tadbir doirasida Red team va Blue team yo‘nalishlarida kiberxavfsizlik musobaqasining final bosqichi ham bo‘lib o‘tdi.
Red team jamoasi — kiberxavfsizlik sohasida tashkilotning xavfsizlik holatini sinab ko‘rish va tizimlaridagi zaifliklarni aniqlash uchun mo‘ljallangan maxsus jamoalar hisoblanadi. Ularning asosiy vazifasi tashkilotning virtual infratuzilmasiga hujum qilib, zaifliklarni aniqlash va ulardan foydalanishdir.