Yevropa chemponlar ligasida “Real Madrid” 86-daqiqagacha “Manchester Siti”ga mag‘lub bo‘ldi. Lekin, jamoa taslim bo'lmadi. Brahim Diaz, keyin esa Jud Bellingemning gollari vaziyatni o'zgartirdi. Nima bo'lganda ham, "Real Madrid" raqibga qaraganda ancha ishonchli o'ynadi. Bir haftadan so'ng Chempionlar ligasi pley-off bosqichining javob o'yini bo'lib o'tadi. Katta ehtimol bilan bizni yana bir super to'qnashuv kutib turibdi.
Marca: "Real Madrid" nihoyat katta jamoani mag'lub etdi!"
"Real Madrid" uchun sehrli oqshom! Jamoa "Etihad"da o'tkazilgan olti uchrashuvdan so'ng birinchi marta g'alaba qozondi. Bungacha uchta durang va uchta mag'lubiyat qayd etilgan. "Real Madrid" nihoyat bu mavsumda katta jamoani mag'lub etdi. Jarohatlar vaqtidagi g'alaba juda muhim edi. "Real Madrid" katta jamoalarga qarshi bahslarda juda yomon o'yin ko'rsatmoqda. Bu esa ba'zi shubhalarni keltirib chiqardi. Eng qiyini “Barsa”ga qarshi, keyin “Atletiko” bilan durang, so‘ngra jamoa Chempionlar ligasining umumiy bosqichida “Liverpul” va “Milan”dan mag‘lub bo‘ldi".
AS: "Bu tugallanmagan drama edi"
"Bu tugallanmagan drama bo'lishi mumkin edi, ammo Bellingham uni kutilmagan vaqtda yakunladi. "Manchester Siti" mag'lub bo'ldi va mezbonlarning mag'lubiyati mutlaqo haqli edi. Garchi, Madrid klubida ham muammolar ko'p edi. Balki, Chempionlar ligasi ularga mas'uliyat hissini qaytargandir, yoki aynan shu yerda ular yaxshi himoyalana olishgan bo'lishi mumkin. Rodrigo va Vinisiusni to'xtatib bo'lmadi. Mbappe doimiy ravishda markaziy himoyachilarni bosim ostida qoldirdi. Bellingham tanaffusdan keyin qaytdi. 20 ta zarbadan so'ng kichik hisobdagi g'alaba bo'lishi kerak emasdi. Jamoa yirik hisobda g'alaba qozonishi mumkin edi.
"Atletik": "Manchester Siti" shunga munosib o'ynadi"
"Gvardiola o'yindan so'ng natija munosib ekanini aytdi. Sakkizta o'yinda bor-yo'g'i uchta g'alaba bilan pley-offga chiqqan jamoadan boshqacha narsani kutish qiyin edi. O'yin oxirida o'tkazib yuborilgan ikkita gol klubni aql bovar qilmaydigan darajada qiyin ahvolga solib qo'ydi. 80-daqiqada ular 2:1 hisobida oldinda borayotgandi. Holandning golidan so'ng "Siti"dan o'z chidamliligini ko'rsatish talab qilindi. Ammo, buning o'rniga biz Madridning xarakterini ko'rdik".
L'Equipe: "Haqiqat"
"Manchester Siti" o'zining oldingi darajasining aksini ko'rsatmoqda. Bu ko'pchilik tomonidan aytilmoqda. "Real Madrid" bunday sovg'adan unumli foydalandi. Brahim Diaz va Bellinghem jamoaga natijaga erishishda yordam berishdi. Bir haftadan so'ng turnirning asosiy favoritlarini yana sahnada ko'ramiz. "Manchester Siti" esa ayni damda juda yomon ahvolda. Bu shunchaki ikki yirik jamoa o‘rtasidagi o‘yin emas, balki ikki yulduz hujumchi o‘rtasidagi duel ham edi. Erling Holand "Real Madrid"ga qarshi so'nggi to'rtta o'yinda gol ura olmagan edi. Endi unda ikki bor. Mbappe esa bir nechta ajoyib vaziyatlarni qo'ldan boy berdi va faqat bitta gol urdi".
Bild: "Vinisius qasos oldi"
"Qasosning ta'mi juda shirin! O‘yin oldidan “shaharliklar” muxlislari “Oltin to‘p” sohibi Rodri tasvirlangan ulkan banner bilan “Real Madrid” futbolchisini g‘azablantirishdi. 2024-yil oktabr oyida “Oltin to‘p” boshqa o‘yinchiga berilganidan keyin Vini va “Real” o‘zlarini aldangandek his qilishdi. Balki shuning uchundir "Real" o'yin boshidayoq ishonchliroq ko'rindi".