Myunxenning “Bavariya” klubi hujumchisi Tomas Myuller professional futbolchilik faoliyatini yakunlashga yaqin turibdi.
Xabarlarga ko'ra, 34 yoshli germaniyalik futbolchi faoliyatini 2025-yilning yozida, ya'ni "Bavariya" bilan amaldagi mehnat shartnomasi tugashi bilan yakunlashni rejalashtirmoqda. Qayd etilishicha, “Bavariya” Myullerga munosib o‘rinni taklif qilib, uni klubda saqlab qolishga harakat qiladi.
Tomas Myuller "Bavariya"da 2009-yildan beri o'ynab kelmoqda. Transfermarkt internet portali futbolchining narxini 10 million yevroga baholagan.