“Gazprom” o‘z bayonotida 1 yanvar kuni erta tongda Ukrainaning “Naftogaz” kompaniyasi va gaz uzatish tizimi operatori bilan 2019 yilda imzolagan gaz tranziti bo‘yicha kelishuvlari muddati tugaganini bildirdi.
"Ukraina tomoni ushbu kelishuvlarni uzaytirishdan bosh tortgani sababli, “Gazprom” 2025 yil 1 yanvardan boshlab Ukraina hududi orqali tranzit uchun gaz yetkazib berish texnik va huquqiy imkoniyatidan mahrum bo‘ldi. Moskva vaqti bilan soat 8:00 dan boshlab Rossiya gazini Ukraina hududi orqali tashish uchun yetkazib berish amalga oshirilmayapti", — deyiladi Rossiya kompaniyasi xabarida.