Ijtimoiy tarmoqlarda Samarqand viloyatidagi maktablardan birida o‘qituvchi dars jarayonida o‘quvchisini kaltaklagani aks etgan video tarqalgandi.
Holat yuzasidan Samarqand viloyati Maktabgacha va maktab taʼlimi boshqarmasi ishchi guruhi o‘rganishlar olib borib, rasmiy munosabat bildirdi.
Aniqlanishicha, ushbu holat 26-umumiy o‘rta taʼlim maktabi direktorining o‘quv ishlari bo‘yicha o‘rinbosari M.Sh. tomonidan sodir etilgan. U 8-“A” sinfga tarbiya fanidan dars o‘tish jarayonida o‘quvchi X.A. ning daftari yo‘qligi uchun urgani maʼlum bo‘lgan.
O‘qituvchi M.Sh. ushbu harakatlari bilan tegishli qonunlarni qo‘pol ravishda buzganligi uchun maktab direktorining tegishli buyrug‘iga asosan, unga nisbatan “hayfsan” intizomiy jazo chorasi qo‘llanildi.