Samarqand viloyati IIB YHXB Matbuot xizmatining ma’lum qilishicha, hodisa joriy yilning 21-may kuni soat 23:30 larda Samarqand shahar Alisher Navoiy ko‘chasidan o‘tuvchi yo‘lda sodir bo‘lgan. Nexia-2 avtomashinasi haydovchisi Samarqand davlat universitetining 4-bosqich talabasi D.E.ni urib yuborgan.
Talaba yigit shahardagi tibbiyot birlashmasiga olib borilgan. Ammo, u olgan tan jarohatlari oqibatida shifoxonada vafot etgan.
Hozirgi vaqtda viloyat IIB tomonidan holat yuzasidan jinoyat ishi qo‘zg‘atilib, tergov harakatlari olib borilmoqda.