Ijtimoiy tarmoqlarda bog‘chada bolalarga yovg‘on sho‘rva berilgani aks etgan videomurojaat tarqaldi.
Lavhada ayol bolalarga berilayotgan ovqatning masallig‘i yo‘qligini aytib, ota-onalarga murojaat qilgan. Shundan so‘ng tarbiyachilardan biri ayolga tashlanib, qo‘lidagi telefonni tortib olishga uringan.
Samarqand viloyati Maktabgacha va maktab taʼlimi boshqarmasi holat bo‘yicha rasmiy munosabat berdi.
Maʼlum qilinishicha, mazkur murojaat yuzasidan ishchi guruhi tuzilib, hozirda o‘rganishlar olib borilmoqda.
"O‘rganish natijalari bo‘yicha batafsil maʼlumot beriladi", — deyiladi xabarda.