Saudiya Arabistoni valiahd shahzodasi Muhammad bin Salmon AQSHning yuqori martabali delegatsiyasini qabul qildi. Mehmonlar safida Prezident Tramp, Davlat kotibi Marko Rubio, Mudofaa vaziri Hegset, Savdo vaziri Lutnik va Energetika vaziri Rait bor.
Uchrashuv davomida ikki davlat o‘rtasidagi strategik hamkorlik, energetika xavfsizligi, mintaqaviy barqarorlik hamda savdo-iqtisodiy aloqalarni mustahkamlash masalalari muhokama qilinadi.
Tashrif AQSH va Saudiya Arabistoni o‘rtasidagi siyosiy va iqtisodiy aloqalarning yangi bosqichga ko‘tarilishi sifatida baholanmoqda.