Oliy Majlis Senati axborot xizmati xabar berishicha, joriy yilning 15-17-iyun kunlari Oliy Majlis Senati raisi Tanzila Narbayeva boshchiligidagi O‘zbekiston delegatsiyasi Amerika Qo‘shma Shtatlariga tashrif buyuradi.
AQSH Kongressi, shuningdek, to‘qimachilik uyushmalari va ishbilarmon doiralari vakillari bilan ikki tomonlama uchrashuvlar to‘qimachilik sohasidagi davlat va fuqarolik jamiyati institutlari o‘zaro hamkorligining bugungi holati va istiqbollari muhokamasiga bag‘ishlanadi.
Shuningdek, AQSH ishbilarmon doiralari uchun O‘zbekiston to‘qimachilik industriyasining savdo-investitsiyaviy salohiyati taqdimoti o‘tkazilishi ham qayd etilgan.