Sevastopolga bugun tongda dronlar hujumi uyushtirildi. Bu haqda gubernator Mixail Razvojayev maʼlum qildi.
“Qora dengiz floti kemalari Sevastopol ko‘rfazida uchuvchisiz uchoqlar hujumini qaytarmoqda. Shaharda hech qanday obyektlar zarar ko‘rmagan. Vaziyat nazorat ostida. Barcha tezkor kuchlar tayyor holatda”, – degan u.
Shahar rahbari xotirjamlikni saqlashga chaqirgan.
“TASS” maʼlumotlariga ko‘ra, ilk portlashlar Moskva vaqti bilan tonggi 4.20 da sodir bo‘lgan.