Taxiatosh neft bazasida qiymati 8 mlrd 203 mln so‘mlik dizel yonilg‘isida kamomad aniqlandi. Bu haqda Energetika vazirligi xabar berdi.
Qayd etilishicha, «O‘zenergoinspeksiya» Qoraqalpog‘iston Respublikasi boshqarmasi tomonidan “Taxiatosh neft bazasi” MCHJda o‘tkazilgan nazorat tadbirlarida 861 ming 649 litr dizel yonilg‘isida kamomad mavjudligi aniqlangan.
Mazkur holat yuzasidan belgilangan tartibda choralar ko‘rish uchun tegishli hujjatlar huquqni muhofaza etuvchi organlarga taqdim qilindi.