Transport vazirligi maʼlumotlariga ko‘ra, respublika bo‘yicha 2023-yilning o‘tgan 5 oyi davomida (yanvar–may) temir yo‘l transportida 4,1 mln nafar yo‘lovchi tashildi.
Qayd etilishicha, o‘tgan yilning mos davriga nisbatan o‘sish surʼati 113,5 foizni tashkil etdi. Mamlakatda 2022-yilning yanvar-may oylarida temir yo‘l orqali 3,6 mln nafar yo‘lovchi tashilgan.
Bundan tashqari, respublika bo‘yicha yanvar-may oylari davomida temir yo‘l transporti orqali 45,1 mln tonna yuk tashilgan. Yuk tashuvlari hajmi bo‘yicha o‘sish surʼati o‘tgan yil bilan solishtirilganda 109,6 foizni tashkil etdi.