Ichan Qaladagi ayrim bino va uylarga termitlar jiddiy zarar yetkazgan. Bu haqda “Mening Yurtim” telekanalidagi “Markaziy Studiya” ko‘rsatuvi xabar berdi.
“Ichan Qalʼa” davlat muzey qo‘riqxonasi ilmiy xodimi Muzaffar Masharipovning so‘zlariga ko‘ra, hozirda shahardagi Juma masjidi tarixiy obidasi termitlar “hujumiga uchragan”.
“Masjidning ayrimlariga termitlar 1 metrgacha zarar keltirgan. Hozirda ularni tutish uchun qopqonlar qo‘yilgan”, – degan ilmiy xodim.
Tarixiy obidalar atrofida joylashgan aholi xonadonlari ham ushbu ofatdan aziyat chekmoqda. Mahalliy aholi vakillari so‘zlariga ko‘ra, shaharda termitlar 2003 yilda aniqlangan.