Afg‘oniston Tashqi ishlar vazirligi siyosiy departamenti direktori Zokir Jaloliyning aytishicha, Abdulg‘affor Tiraviy Islom Amirligining O‘zbekistondagi elchisi sifatida tanishtirilgan.
Qo‘shimcha qilinishicha, bu borada ikki tomon ham kelishib olgan va yangi tayinlangan elchi tez orada Toshkentda o‘z vazifasini boshlashi kutilmoqda.
U, shuningdek, ayrim davlatlar bilan diplomatik munosabatlar darajasini oshirish bo‘yicha kelishuvlarga erishilganini taʼkidladi.
Jaloliyga ko‘ra, "o‘tgan uch yil ichida Islom Amirligi o‘zini barqaror va kuchli rejim sifatida isbotladi va kun sayin mintaqa va dunyo bu haqiqatni anglab yetmoqda".
Avvalroq Badruddin Haqqoniy Afg‘onistonning BAAdagi elchisi, Muhammad ul-Rahmon esa Qozog‘iston elchixonasining vaqtinchalik ishlar vakili etib qabul qilingan edi.