Avvalroq, ijtimoiy tarmoqda Toshkent metrosining Chilonzor metro bekati platformasida bir ayol o‘zini poyezd yo‘liga tashlagani haqida xabarlar tarqaldi.
Metropoliten Matbuot xizmatining xabar berishicha, hodisa bugun 27-dekabr kuni sodir bo‘lgan. Ammo, yo‘lovchi ayol o‘zini tashlamagan. Uning tobi qochib, metro yo‘liga yiqilib tushgan.
Bekatda faoliyat olib borayotgan xodimlar tomonidan tezkor ko‘rilgan chora tadbirlar natijasida, yo‘lovchi hech qanday tan jarohatlarsiz xavfsiz tarzda platformaga olib chiqilgan hamda unga birinchi yordam ko‘rsatilgan.